Nyttland.is » Lög

Lög um Þjóðveldisdag

Guðjón E. Hreinberg — Sun, 04 Jul 2021 19:30:24 +0000

Í júní var einróma samþykkt af öllum þingmönnum Þjóðveldis eftirfarandi lög og hafa frá 4. júlí 2021 talist samþykkt af Allsherjarþingi:

Þjóðveldisdagurinn er stofndagur Þjóðveldis og afmælisdagur þeirrar þjóðar sem varð til með formlegum hætti á fimmtudegi við sumarsólstöður sumarið 930.
Þetta er sá dagur sem Þjóðveldi eldra og Endurreist Þjóðveldi voru stofnsett, en reikniregla fyrri daga kann að vera önnur en hér er lögfest.
Frá og með sumarsólstöðum 2022 er Þjóðveldisdagurinn ætíð fyrsti fimmtudagur á eftir sumarsólstöðum.

Viðbótarskýring: Beri sumarsólstöður upp á fimmtudegi, telst sá fimmtudagur fyrsti fimmtudagur á eftir sumarsólstöðum.

Riftun Gamla sáttmála

Guðjón E. Hreinberg — Fri, 25 Nov 2016 00:09:18 +0000

Endurreist Þjóðveldi lýsir því formlega yfir að í fyrsta lagi hafi bæði Norska og Danska konungsríkið brugðist „Gamla sáttmála“ frá 1262/4, þegar Þjóðveldið var ólöglega lagt niður að undirlagi Danska Konungsríkisins árið 1662 (í samstarfi við innlenda Quislinga) og þegar Alþingi var leyst upp fáeinum árum síðar af Dönum og í öðru lagi þegar Danska konungsríkið kom á fölsku lýðræðisríki í skjóli stjórnarskrár sem rituð var að undirlagi og í krafti norsk-danskra valdhafa árin 1874 og 1918-20.

Endurreist Þjóðveldi frá 2013 lýsir einhliða yfir riftun Gamla sáttmála og hafnar öllum valda afskiptum Skandinavískra (eða annarra) ríkja á Íslandi yfir innanríkismálum Þjóðveldis Íslands og/eða borgurum þess.

Framangreint var rætt og kosið um rafrænt, [í samræmi við ákvæði Stjóarnarskrár, að undangengnum umræðum á Héraðsþingum,] og sett í lög Þjóðveldis þann 10. nóvember 2016.

Fánalög

Guðjón E. Hreinberg — Thu, 20 Oct 2016 05:32:24 +0000

1. Þjóðfáni Endureists Þjóðveldis er Hvítbláinn, sem kenndur er við Einar Benediktsson skáld.
2. Er fáninn valinn samkvæmt stjórnarskrá Þjóðveldis með lýðræðislegum hætti.
3. Ekki má draga Hvítbláann að hún frá sólarlagi til sólarupprásar.
4. Bera skyldi virðingu fyrir þjóðfána Þjóðveldis eftir almennu velsæmi, og má áminna þar um.
5. Allir borgarar Þjóðveldis geta dregið fána sinn að hún hvenær sem henta þykir frá sólarupprás til sólarlags.
6. Aðilum sem ekki tilheyra Þjóðveldi er óheimilt að draga Hvítbláann að hún nema með samþykki Lögsögumanns Alþingis.
a. Sé um erlent ríki að ræða má bera fram formleg milliríkja mótmæli sé þessi regla óvirt og jafnvel rjúfa stjórnmálasamband og/eða milliríkjasamninga við það land.
b. Sé um stofnun Íslenska Lýðveldisins frá 1944 að ræða má dæma þá starfsmenn stofnunar sem að því koma til Útlegðar.
7. Borgari Lýðveldis sem dregur Hvítbláann að hún hefur þar með gengið yfir til Þjóðveldis og gengið undir stjórnarskrá þess.

Þessi lög hafa verið einróma samþykkt af Alþingismönnum Þjóðveldis í ágúst 2015.